तस्वीर: श्याम गुप्ता

मधेशी मोर्चाका कार्यकर्ताले बाराको मनहर्वा–३ स्थित श्रीपुरमा तीन वटा ट्रकमा आगजनी गरेका छन् ।

मनहर्वा स्थित रिलायन्स सुगर मिलबाट चिनी बोकेर निस्किएका तीन वटा ट्रकलाइ मोर्चाका कार्यकर्ताले गए राति साढे तीन बजे आगो लगाएका हुन् ।

आगजनीबाट ना.५.ख.२९९५ र ना.५.ख.८७६१ नम्बरको दुई वटा ट्रक र चिनी जलेर नष्ट भएको छ ।

त्यस्तैे ना.४.ख.२९२७ नम्बरको ट्रकमा केही क्षति पुगेको छ ।

तस्वीर: श्याम गुप्ता

चिनी बोकेर काठमाडौं र तनहुँतर्फ जँदै गरेका ट्रकमा आन्दोलनकारीले आगो लगाएको प्रहरीले जनाएको छ ।

मिल देखि करिब दुइ किलोमिटर टाढा सड्कमा ढुकेर बसेका मोर्चाका कार्यकर्ताले राति साढे तीन बजे ट्रकमा आगो लगाएका थिए ।

पेट्रोल छर्किएर लगाइएको आगोबाट दुइ वटा ट्रक र त्यसमा रहेको ८ सय ४० बोरा चिनी जलेर पूर्ण नष्ट भएको तथा अर्को ट्रकमा भने केही क्षति पुगेको सशस्त्र प्रहरी बल सीमा सुरक्षा कार्यलय बाराका सशस्त्र प्रहरी उपरीक्षक भेषबहादुर शाहले जानकारी दिए ।

ठूलो समूह एक्कासी सडकमा आई आफूहरुलाई उतारेर ट्रकमा आगो लगाएकोे चालकहरुले बताएका छन् ।
श्याम गुप्ता, बारा

प्रतिकृया दिनुहोस