२५ भदौमा प्रहरीको गोली लागेर मृत्यु भएका तीनजनाको जनकपुरमा अन्त्येष्टि गरिएको छ ।

जनकपुरको बाह्रविघा मैदानबाट निकालिएको शवयात्रा जानकी मन्दिर, शिव चौक, भानु चौक, मिल्स एरिया, पिडारी चौक हुँदै मुजेलिया पुगेर अन्त्येष्टि गरिएको हो ।

सद्भावना पार्टीका अध्यक्ष राजेन्द्र महतो जनकपुर अञ्चल अस्पताल पुगेर मृतकहरुलाई श्रद्धाञ्जली दिएर जलेश्वर फर्किएका छन् ।

शवयात्रामा तमलोपा उपाध्यक्ष वृषेश चन्द्र लाल, सभासद डाक्टर विजय कुमार सिंह, संघीय समाजवादी फोरम नेपालका धनुषा अध्यक्ष शेष नारायण यादव, सद्भावनाका केन्द्रीय सदस्य लालकिशोर साह लगायतको उपस्थिति थियो ।

२५ भदौमा प्रहरीको गोलीबाट जनकपुरको मिल्स एरियामा ३४ वर्षीय सञ्जयकुमार चौधरी र १५ वर्षीय निकु यादव, पिडारी चोकमा १३ वर्षीय दीलीप यादवको मृत्यु भएको थियो ।

यसैबीच स्थानीय प्रशासनले कर्फ्यू  तथा दंगाग्रस्त क्षेत्र घोषणा समेत हटाएको छ ।

प्रमुख जिल्ला अधिकारी कालीप्रसाद पराजुलीले अहिले जनकपुरको अवस्थासमान्य रहेको र चाडपर्व तथा सर्वसधारणको सुविधालाई ध्यानमा राखी कफर््यू तथा दंगाग्रस्त क्षेत्र हटाएको बताए ।

कफर््यू र दंगाग्रस्त क्षेत्र हटेपछि सर्वसधारणले राहत महसुस गरेका छन् ।

बुधबार तराईमा मनाईने चौठी चन्द्र पर्व समेत परेकोले कफर््यू र दंगाग्रस्त क्षेत्र हटाईएको प्रजिअ पराजुलीले जनाए ।
ईश्वरचन्द्र झा, जनकपुर

प्रतिकृया दिनुहोस