३० भदौ दिउँसो बसेको व्यवस्थापिका संसद बैठकले भूकम्पबाट प्रभावित संरचनाको पुनःनिर्माण सम्बन्धी विधेयक– २०७२ पारित गरेको छ ।

२९ भदौ साँझ ७ बजेपछि बसेको बैठकमा विधेयक प्रस्तुत भए पनि बैठकमा कोरम –कुल संसद संख्याको एक चौथाईको उपस्थिति) नपुगेपछि बैठक नै स्थगित भएको थियो ।

भूकम्पका कारण ध्वस्त भएको सरकारी तथा निजी भौतिक संरचना पुर्ननिर्माणका लागि सरकारले गत ८ असारमा प्राधिकरण गठन अध्यादेश जारी गरेको थियो।

अध्यदेश जारी भइसकेपछि संसद अधिवेशन शुरु भएको ६० दिनभित्र संसदबाट प्रतिस्थापन विधेयक पारित गर्नु पर्ने संवैधिनक व्यवस्था भए पनि सरकारको कमजोरी र एमाओवादीको अड्कोका कारण विधेयक संसदमा पेश हुन नसक्दा प्राधिकरणका पदाधिकारीको बैधानिकतामाथि नै प्रश्न उठेको थियो।

तर पछिल्लो समय सत्तापक्ष र प्रतिपक्षबीच भएको वार्ता र सहमति पश्चात सरकारले बैठकमा उक्त विधेयक पेश गरेको थियो।

प्रतिकृया दिनुहोस