हिन्दूराष्ट्र कायम गर्ने लगायतका सातसूत्रीय माग राखेर काठमाडौंको खुलामञ्चमा आमरण अनसन वसिरहेका तीन युवाहरुले आज दिउँसो अनशन तोड्ने कार्यक्रम सफल हुन सकेन ।

अनशन तोडाउनका लागि प्रधानमन्त्री सुशील कोइराला उपस्थित हुने पूर्वनिर्धारित कार्यक्रम अनुसार प्रधानमन्त्री नआई कानून मन्त्री नरहरी आचार्य अनशन तोडाउन पुगेपछि १७ दिनदेखि अनशनरत उनीहरुले अनशन नतोडेका हुन् ।

अनशनस्थलमा कानूनमन्त्री नरहरी आचार्य पुगेपछि उनीहरुका समर्थकले होहल्ला गर्दै प्रधानमन्त्री नै उपस्थित हुनु पर्ने माग गरेपछि मन्त्री आचार्य फर्केका थिए ।

त्यसैक्रममा कानूनमन्त्री सवार बा ३ झ ७९० नं. को गाडीमा ढुंगा प्रहार समेत भएको छ । अहिले खुलामञ्चको स्थिति तनावग्रस्त बनेको छ ।

प्रतिकृया दिनुहोस