गणेश चतुर्थीका अवसरमा जीतपुरमा गरिएको शोभायात्रा । तस्वीर: श्याम गुप्ता

आन्दोलन र कर्फ्यूले अस्तव्यस्त बनेको बारा अहिले गणेश चतुर्थीको रमझममा व्यस्त भएको छ ।

बाराकोे जीतपुरमा ३१ भदौमा गणेश चतुर्थी महोत्सवको आयोजना गरिएको छ ।

सिद्धिविनायक पूजा समिति जीतपुरको आयोजनामा जिल्लाको गढीमाई–७ गौशालाको मैदानमा आजदेखि भव्य शोभायात्रा गरी गणेश पुजा शुरु भएको छ । मेला पाँच दिन सम्म जारी रहने समितिले जनाएको छ ।

उद्योग बाणिज्य संघ शाखा कार्यालय जीतपुरका अध्यक्ष घनश्याम गिरीले पूजामा मुलुकमा शान्तिको कामना गरिने बताए ।

तस्वीर: श्याम गुप्ता

उता बारा सदरमुकाम कलैयामा भने यसवर्ष गणेश चतुर्थीको धुमधाम पोहोरजस्तो छैन । लगतारको बन्द, रातिको समयमा लगाइने कफ्र्यूका बीच कलैयाबासी पर्वमा उत्साहपूर्वक सहभागी हुन सकेका छैनन् ।

यद्यपी बजारमा अरु दिनभन्दा भीड बढेको छ, पसलमा किनमेल गर्नेहरु बढेका छन् । कलैयामा यसवर्ष गणेशको मूर्ति बनाउने, पण्डाल बनाउने जस्ता पूजाको पूर्वतयारीका कामहरु हुन पाएनन् ।
श्याम गुप्ता, बारा

प्रतिकृया दिनुहोस