रौतहटमा दङ्गाग्रस्त क्षेत्रमा सामूहिक प्रदर्शनमा उत्रिएका ८ जना पत्रकारहरुलाई प्रहरीले नियन्त्रणमा लिएको छ ।

मधेश आन्दोलन प्रति सर्मथन र ऐक्यबद्धता जनाउँदै रौतहट सदरमुकामको दङ्गाग्रस्त घोषित क्षेत्रभित्र जुलुस निकालेपछि उनीहरुलाई सदरमुकाम गौरबाट प्रहरीले पक्रेको हो ।

पक्राउ पर्नेहरुमा हिमायलन टाइम्सका प्रभात झा, पत्रकार महासंघ रौतहटका पूर्व अध्यक्ष प्रेमचन्द्र झा, रौतहट एफएमका धर्मेन्द्र साह, सँस्कृति एफएमका किशोरी यादव, राजदेवी एफएमका राकेश यादव लगायतका छन् ।

धरखण्ड चोकबाट जुलुस प्रदर्शन गर्दै गौरस्थित जिल्ला प्रशासन कार्यालय अगाडि पुगेपछि प्रहरीले जुलुसमा हस्तक्षेप गरेर पत्रकारहरुलाई पक्राउ गरेको थियो ।

पक्राउ परेका पत्रकारहरुलाई जिल्ला प्रहरी कार्यालय रौतहटमा राखिएको छ ।

सुरेश बिडारी, वीरगञ्ज

प्रतिकृया दिनुहोस