समाचारशनिबार, आश्विन २, २०७२
नेपालमा हिंसा-हडताल नहोस्: भारतीय दूत
प्रधानमन्त्री नरेन्द्र मोदीको विशेष दूतका रुपमा नेपाल आएका भारतीय विदेश सचिव एस जयशंकरले नयाँ संविधान जारी हुनुलाई उत्सवका रुपमा मनाउन आग्रह गरेका छन् ।
नेपालको दुई दिने भ्रमण सकेर २ असोज विहान स्वदेश फर्कंदै गर्दा जयशंकरले नेपालमा संविधान जारी हुँदा र जारी भइसकेपछि पनि बन्द, हडताल र हिंसा नहोस भन्ने भारतको कामना रहेको बताए ।
विमानस्थलमा सञ्चारकर्मीलाई संक्षिप्त प्रतिक्रिया दिएका उनले नेताहरुलाई लचिलो र परिपक्वरुपमा प्रस्तुत भई संविधानलाई दिगो बनाउन सुझाव समेत दिए ।
संविधान घोषणाको जारी प्रक्रियामा मधेश केन्द्रित दलहरुलाई सहभागी गराउन नेताहरुलाई दबाब दिएका जयशंकरले नेपालमा नयाँ संविधान जारी हुँदा आफूलाई खुशी लागेको समेत बताएका थिए ।
प्रतिकृया दिनुहोस
ताजा अपडेट
हिमालखबर जनमत
