संविधानसभाबाट संविधान पारित भएको खुशीयालीमा दीपावलीसहित चप्परगौडीमा नाचगान गर्दै कोहलपुरबासी ।

नेपालको संविधान– २०७२ पारित भएको खुशियालीमा बाँकेको कोहलपुरमा दीपावली गरिएको छ ।

१ असोज साँझ स्थानीयले कोहलपुर–१२ चप्परगौडीमा र युवा संघ नेपाल कोहलपुर नगरकमिटीले कोहलपुर चौराहामा दीपावलीका साथै नाचगान समेत गरेका छन् ।

संविधान जारी भएसँगै राजनीतिक स्थायित्व, आर्थिक विकास र साम्प्रदायिक सद्भावमा वृद्धि हुने कोहलपुरवासीको अपेक्षा छ ।

अबदेखि बन्द, हडताल र हिंसा नहोस, सबै समुदायका मिलेर काम गर्ने वातावरण होस भन्ने उनीहरुको मुख्य चाहना छ ।

कोहलपुर चौराहामा युवा संघले गरेको दीपावली ।

यस्तै ३ असोजमा बाँकेका गाउँ, बजार, सार्वजनिक स्थल लगायत क्षेत्रमा दीपावली गरिँदैछ ।
शब्द/तस्वीर: केशव राना, बाँके

प्रतिकृया दिनुहोस