समाचारशनिबार, आश्विन २, २०७२

तीन दलले असन्तुष्ट दलहरुलाई फेरि वार्तामा बोलाउने

हिमालखबर

$k|wfgdGqL] lgjf; afn'jf6f/df a;]sf] tLg bnsf] a}7saf6 aflxl/g] qmddf PsLs[t g]skf -dfcf]jfbL_sf cWoIf k'iksdn bfxfn ;~rf/sdL{nfO{ k|ltlqmof lbFb} . tl:a/ M /f]zg ;fksf]6f, /f;;$

प्रमुख तीन राजनीतिक दलले भोलि ३ असोजमा आयोजना हुने संविधान घोषणाको समारोहमा सहभागी हुन असन्तुष्ट दललगायत सबैलाई संयुक्त वक्तव्यमार्फत आह्वान गर्ने भएका छन् ।

बालुवाटारमा बसेके नेपाली कांग्रेस, नेकपा एमाले र एमाओवादीका शीर्ष नेताको बैठकले संविधान जारी गर्ने महत्वपूर्ण समारोहमा सबैलाई सहभागी हुन संयुक्त रुपमा वक्तव्य जारी गरी आग्रह गरिने र असन्तुष्ट पक्षलाई पनि सन्तुष्ट पार्ने गरी आजै संयुक्त पत्रकार सम्मेलन आयोजना गरिने एमाओवादी अध्यक्ष पुष्पकमल दाहालले बताए ।

तीन दलले आज ४ बजे बालुवाटारमा संयुक्त पत्रकार सम्मेलन गर्ने भएका हुन् ।

बैठकमा समसामयिक परिस्थितिको सम्बन्धमा समीक्षा गरिएको बताउँदै नेपाली कांग्रेसका उपसभापति रामचन्द्र पौडेलले ‘सङ्घीय लोकतान्त्रिक गणतन्त्र’ मधेश आन्दोलनको पनि उपलब्धि भएको र संविधानले आम नेपाली जनतालाई सम्बोधन गरेको उल्लेख गरे ।

उपप्रधानमन्त्री एवम् नेकपा एमालेका उपाध्यक्ष वामदेव गौतमले बैठकमा पछिल्लो राजनीतिक घटनाक्रमबारे समीक्षा गरिएको बताए ।