झापाको विर्तामोडमा बस र पिकअप भ्यान जुध्दा दुईको ज्यान भएको छ, भने सात जना घाइते भएका छन् ।

इलाका प्रहरी कार्यालय बिर्तामोडका अनुसार पूर्वपश्चिम राजमार्गको विर्तामोड खण्डमा को १ ख ३७३३ नम्बरको बस र मे १ ज १४५६ नम्बरको पिकअप भ्यान एक आपसमा जुध्दा पिकअप भ्यानमा सवार दुई जनाको ज्यान गएको हो ।

२ भदौ दिँउसो भएको दुर्घटनामा बारा कलैया ६ का २७ वर्षीय दिपेन्द्र चौरसिया र झापा कनकाई ५ का ३५ वर्षीय गोपाल माझीको ज्यान गएको छ ।

दुर्घटनामा बिर्तामोड ४ का इश्वर दास (२१), राजमंगल चौरसिया(३१), दीलिप सहनी (२६), टीका दास (९), जयबहादुर भुजेल(५५), नन्दु दास (१०) र कपिलदेब शर्मा (४२) घाइते भएका छन् ।

उनीहरुको विर्तामोडका बिभिन्न अस्पतालमा उपचार भइरहेको छ ।

घाइतेमध्ये दाँया खुट्टा भाँचिएका शर्माको अवस्था गम्भीर रहेको जनाइएको छ ।

पिकअप भ्यानमा बिश्वकर्मा बाबाको मुर्ति सेलाउन बिर्तामोडबाट कनकाई नदी जाँदै गरेका यात्रुहरु सवार थिए ।

यसैगरि २ भदौ दिँउसो झापाको शनिअर्जुन–५ का ४१ वर्षीय तुलसी खरेलको करेन्ट लागेर ज्यान गएको छ ।

घर नजिकको खोलामा करेन्ट लगाई माछा मार्ने क्रममा उनको ज्यान गएको हो ।
गोपाल गडतौला, झापा

प्रतिकृया दिनुहोस