३ असोजमा जारी हुन लागेको नयाँ संविधानको स्वागत गर्न पाँचथर जिल्लामा तयारी शुरु गरिएको छ ।

जिल्लामा सक्रिय नेपाली कांग्रेस, नेकपा एमाले, एमाओवादी, राप्रपा, राप्रपा नेपाल र नेकपा मालेको संयुक्त अगुवाईमा संविधानको स्वागतार्थ ३ र ४ असोजमा विविध कार्यक्रमको तयारी गरिएको हो ।

कार्यक्रमवारे जानकारी दिन ६ दलद्वारा आयोजित पत्रकार सम्मेलनमा ३ असोज साँझ फिदिम बजारको गणतन्त्र चोकमा नेपालको नक्सा बनाई दीप प्रज्वलन गर्ने, घरघरमा दिपावली गर्ने र ४ असोज दिँउसो सास्कृतिक झाँकी सहितको र्‍यालीले नगर परिक्रमा गर्दै जिल्ला विकास समिति पाँचथरको शहीद मञ्चमा पुगेर आमसभा गर्ने लगायतका निर्णय सार्वजनिक गरिएको छ ।

पाँचथर कांग्रेसका सभापति नरेन्द्रकुमार केरुङले नयाँ संविधानको स्वागतार्थ घर घरमा दिपावली गर्न सर्वसाधारणमा आह्वान गरिएको पनि जानकारी दिए ।
लक्ष्मी गौतम, पाँचथर

प्रतिकृया दिनुहोस