स्वागत

नयाँ सविधानको स्वागत गर्दै वर्दियाका केही स्थानमा दीपावली गरिएको छ भने कतै विरोधमा राँके जुलुस पनि निकालिएको छ ।

नयाँ सविधान जारी हुन लागेको भन्दै बर्दियाको भुरीगाँउमा २ असोज साँझ मोटरसाईकल र्याली र दीप प्रज्वलन गरियो भने सीमाङ्कनमा चित्त नबुझेको भन्दै थारु संघर्ष समिति र संयुक्त लोकतान्त्रिक मधेशी मोर्चाका कार्यकर्ताहरुले सदरमुकाम गुलरीया सहित भुरीगाँउ, राजापुर, बाँसगढी लगायतका क्षेत्रमा राँके जुलुस प्रर्दशन गरेका छन् ।

संविधान घोषणाको पूर्व सन्ध्यामा सदरमुकाम गुलरियाको राधाकृष्ण चोकमा आतिसवाज सहित दीपावली गरिएको छ ।

भुरीगाउँमा स्थानीय युवाहरुले नयाँ संविधानको स्वागत गर्दै दीप प्रज्वलन साथै मोटरसाइकल र्‍यालीको आयोजना गरे ।

विरोध

यता सीमाङ्कनमा चित्त नबुझेको भन्दै बर्दियाको सदरमुकाम गुलरिया सहित चार वटै निर्वाचन क्षेत्रमा थरुहटका कार्यकर्ताले मसाल जुलुस पनि प्रर्दशन गरे ।

निषेधाज्ञा हटाइयो
नयाँ संविधान जारी हुन लागेको भन्दै बर्दियाको सदरमुकाम गुलरिया र राजापुरमा लगाईएको निषेधाज्ञा ३ असोज विहान देखि हटाइएको छ ।

गत ८ भदौदेखि गुलरिया र राजापुरमा सभा सम्मलेन गर्न, सामूहिक भेला हुन लगायतका सार्वजनिक कार्यक्रम गर्नमा लगाइएको निषेधाज्ञा ३ असोज विहानदेखि हटाइएको प्रमुख जिल्ला अधिकारी विनोदबहादुर कुँवरले जानकारी दिए ।
भावुक योगी, बर्दिया

प्रतिकृया दिनुहोस