थप समाचारआइतबार, आश्विन ३, २०७२

कपिलवस्तुः कतै स्वागत त कतै विरोधको तयारी

हिमालखबर

kapilvastuसंविधान सभाबाट आज साँझ संविधान जारी हुने भए पनि कपिलवस्तु सदरमुकाम तौलिहवामा भने हर्षको कुनै संकेत छैन ।

लगातार ३५ दिन सम्म वन्दको मारमा परेको कपिलवस्तु जिल्ला सदरमुकाम तौलिहवा आज पनि सुनसान देखिएको छ ।

मधेशी मोर्चाको वन्दका कारण सदरमुकाम तौलिहवा, कृष्णनगर, चन्द्रौटा, पकडी लगायतका क्षेत्रहरु पूर्णरुपमा वन्द छन् ।

वन्दका कारण जिल्लामा ३५ दिनदेखि यातायात, शिक्षण संस्था, कलकारखानाहरु सञ्चालन हुन सकेका छैनन् ।

संविधानसभा भवनबाट संविधान जारी हुँदै गर्दा सदरमुकमा तौलिहवामा भने मुखमा कालो पट्टी बांधी विरोध जुलुश प्रदर्शन गर्ने कार्यक्रम मोर्चाको छ ।

सोही समयमा जिल्ला सदरमुकाम लगायत मोर्चाको प्रभाव क्षेत्रमा ब्ल्याक आउट गरी संविधानप्रति विरोध जनाउने र तौलिहवामा विरोध जुलुश समेत आयोजना गर्ने भन्दै मोर्चाले हिजैदेखि माइकिङ गरेको छ ।

तर, जिल्लाका राजमार्ग क्षेत्रका ओदारी, वाणगंगा, पिपरा, गोरुसिंगे, महेन्द्रकोट लगायतका क्षेत्रहरुमा भने सर्वसाधारणहरुमा हर्ष उल्लास छाएको छ ।

उनीहरुले आज सांझ विभिन्न चोक, सार्वजनिक स्थल र घर घरमा दीपावली गरी नयां संविधानको स्वागत गर्ने कार्यक्रमको तयारी गरेका छन् ।

गोपाल भण्डारी, कपिलवस्तु

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...