वीरगञ्जमा कर्फ्यूको अवज्ञा गर्दै प्रदर्शन हुन थालेपछि प्रहरीले चलाएको गोली लागि एकजनाको मृत्यु भएको छ ।

वीरगञ्जको माइस्थान, गितामन्दिर रोडमा प्रहरीले चलाएको गोली लागि पकाहा मैनपुरका शत्रुधन पटेलको मृत्यु भएको हो ।

प्रहरीले प्लास्टिक गोलीको छर्राले लागेर घाइते भएका पटेलको नारायणी उपक्षेत्रीय अस्पतालमा उपचारका क्रममा मृत्यु भएको जनाएको छ ।

प्रहरीको गोलीबाट अन्य दुई जना पनि गम्भीर घाइते भएको खबर प्राप्त भएको छ । त्यसैगरी थप २० जना प्रदर्शनकारी प्रहरीको लाठी चार्जबाट घाइते भएका छन् ।

अहिले वीरगञ्ज क्षेत्रमा गाउँगाउँबाट लाठी र कालो झण्डा बोकेर आएका युवाहरुले प्रदर्शन गरिरहेका छन् ।
सुरेश विडारी, वीरगञ्ज
——————————————————————–

प्रतिकृया दिनुहोस