एएफसी यू–१६ च्याम्पियनसिप छनोट फुटबल प्रतियोगिता अन्तर्गत नेपाल र ओमानको जारी अन्तिम खेलमा ओमानले शून्यका विरुद्ध दुई गोल गरेको छ ।

किर्गिस्तानस्थित डोलोन ओमनुजाकोभ रङ्गशालामा जारी खेलमा ओमानले नेपाललाई खेलको पहिलो हाफ सकिँदा शुन्यका विरुद्ध दुई गोल हानेको हो ।

यसअघि दुई खेल खेलेको नेपालले शतप्रतिशत जित निकाल्दै ६ अङ्क जोडेको छ ।

यस अघि भएको पहिलो खेलमा नेपालले जोर्डनलाई २–१ गोल अन्तरले पराजित गर्दै प्रतियोगितामा सुखद सुरुवात गर्न सफल भएको थियो । त्यस्तै, दोस्रो खेलमा घरेलु टोली किर्गिस्तानलाई ४–२ ले पराजित गरेको थियो ।

विभिन्न १० समूहमा विभाजन गरिएको उक्त प्रतियोगितामा समूह विजेता टोलीले अर्को वर्ष भारतमा हुने एएफसी च्याम्पियनसिप प्रतियोगिताका लागि सिधै छनोट हुनेछ ।

दश टोली मध्येबाट शीर्ष चार स्थान हासिल गर्ने टोलीले पनि प्रतियोगितामा सहभागिताको मौका पाउने छन् ।

प्रतिकृया दिनुहोस