जारी संबिधानको स्वागत र विरोध गर्नेहरुबीचको झडप नियन्त्रण गर्न प्रहरीले झापाको दमकमा आठ राउण्ड हवाई फायर गरेको छ ।

संविधान जारी भएको खुशियाली सभाा र विरोध प्रदर्शन चलिरहँदा दुबै पक्षबाट भएको ढुंगामुढा रोक्न प्रहरीले दिँउसो पौने चारबजे एकसाथ हवाईफायर र अश्रुग्यास प्रहार गरेको थियो ।

ढुंगामुढाबाट चार प्रदर्शनकारी सामान्य घाइते भएका छन् ।

विहानैदेखि खुशियाली मनाउन कांग्रेस, एमाले र एमाओवादीका सयौं कार्यकर्ता दमकको गणतन्त्र चोकमा नाचगान गरिरहेका थिए । त्यसको करिब एकसय मिटर उत्तर लिम्बुवानका कार्यकतर्ता कालो झण्डा बोकेर प्रदर्शनमा उत्रिएका थिए ।

त्यसैक्रममा दुवैपक्षबीच झडप भएको हो ।

अहिले दुवै पक्षका बीचमा सशस्त्र र जनपद प्रहरीको बाक्लो उपस्थिति छ ।

लिम्बुवानका कार्यकर्ताले खुशियाली मनाइरहेको समूहभन्दा टाढै पुगेर संबिधानको प्रतिलिपि जलाएपछि तितरवितर भएका छन् ।
गोपाल गडतोैला, झापा

प्रतिकृया दिनुहोस