पक्राउ परेका तीन बालक

रातिको समय सुरक्षा घेरामा गन्तव्यतर्फ जाँदै गरेका सवारी साधनमा ढुंगा हान्ने तीन जना बालकलाई प्रहरीले बाराको जितपुरबाट पक्राउ गरेको छ ।
पक्राउ परेका बालकहरुले एउटा गाडीमा ढुंगा हानेवापत रु २० पाउने गरेको बताएका छन् ।

इलाका प्रहरी कार्यालय सिमराको टोलीले ५ असोज राति २ बजे पथलैयाबाट वीरगञ्ज जाँदै गरेका गाडीमा लुकेर ढुंगा हान्दै गरेका तीनवटा बालकलाई पक्राउ गरेको हो ।

आठ जनाको समूहमा रहेका बालकलाई समात्न खोज्दा पाँच जना भागेका र तिन जना पक्राउ परेको प्रहरीले जनाएको छ ।

पक्राउ पर्नेहरुमा बाराको गढीमाई–७ जीतपुरका कक्षा तीनमा अध्ययनर्त १२ वर्षीय बिनोद महतो, कक्षा तीनमै पढने ९ वर्षीय अर्जुन सिंह र कक्षा दुइमा अध्ययनरत् ९ वर्षीय बिक्की साह छन् ।

उनीहरुले एउटा गाडीमा ढुंगा हानेको आन्दोलनकारीबाट रु २० लिने गरेको बताएकाले बालकलाई त्यस्तो अनुचित कार्यमा लगाउनेहरुकोे खोजी भइरहेको प्रहरी निरीक्षक पुरुषोत्तम खडकाले बताए ।

आन्दोलनकारीहरुले रातको समयमा तोडफोडका लागि बालकहरुको प्रयोग गरेकोप्रति यहाँ व्यापक आलोचना भइरहेको छ ।
श्याम गुप्ता, बारा

प्रतिकृया दिनुहोस