नयाँ संविधानकाे विराेधमा  पूर्वी नेपालका ९ जिल्लामा जारी अनिश्चितकालीन बन्द फिर्ता भएको छ ।

६ असोजमा झापाको दमकमा भएको सर्वपक्षीय भेलाले २ दिनअघि पक्राउ परेका लिम्बुवानका १६ कार्यकर्ता रिहाईको पहल गर्ने निर्णय गरेपछि बन्द फिर्ता लिइएको छ ।

नयाँ संविधानको विरोध गर्दै भएको प्रदर्शनमा लिम्बुवानका कार्यकर्ता र खुशियाली सभामा जुटेका कांग्रेस, एमाले र एमाओबादी कार्यकर्ताबीच झडप हुँदा एक प्रहरीसहित दुबै पक्षका सात घाइते भएका थिए ।

त्यसक्रममा प्रहरीले १६ प्रदर्शनकारीलाई पक्राऊ गरी सार्वजनिक अपराध ऐन अन्तर्गत मुद्दा दर्ता गरेको छ । भेलाले ३ असोजमा दकमस्थित संघीय लिम्बुवान पार्टी नेपालको कार्यालयमा भएको तोडफोडप्रति दुख ब्यक्त गर्नुका साथै क्षतिपुर्तिको लागि सरकारसँग पहल गर्ने निर्णय भएको छ । भेलामा सभासदहरु दिपक कार्की, महेन्द्र सुब्बालगायत राजनीतिक दलको स्थानीय नेतृत्व जुटेका थिए ।

यसैबिच, लिम्बुवान आन्दोलनको समन्वय गरिरहेको किरात याक्थुङ चुम्लुङका अध्यक्ष उत्तमसिंह थाङ्गदेनले जारी बन्द र हड्तालले जनतालाई समस्यामा पारेकाले बन्द पिर्ता लिइएको बताए ।

-गोपाल गडतौला, झापा

प्रतिकृया दिनुहोस