कुर्मीकाे शवयात्रा । तस्वीरः सुरेश विडारी

मधेश आन्दोलनका क्रममा प्रहरीको गोली लागेर मृत्यु भएका पकहामैनपुर–४, का २८ वर्षीय शत्रुधन राउत कुर्मीको अन्त्येष्टी गरिएको छ ।

कुर्मीलाई शहीद घोषणा गर्ने र मृतक परिवारलाई क्षतिपूर्ती दिलाउन गृहमन्त्रालयमा सिफारिस गर्ने स्थानीय प्रशासनको निर्णयपछि अन्त्येष्टी गरिएको छ ।

अन्त्येष्टी गर्नु अघि शवयात्रा निकालिएको छ । शवयात्रापछि पकहा मैनपुरमा हिन्दू संस्कृति अनुसार उनको अन्त्येष्टी गरिएको नेपाल सदभावना पार्टीका केन्द्रीय सदस्य शिव पटेलले बताए ।

शवयात्रामा नेपाल सदभावना पार्टीका अध्यक्ष अनिलकुमार झा, संघीय समाजवादी फोरम नेपालका उपाध्यक्ष लालबाबु राउत गद्दीलगायतको सहभागिता थियो ।

३ असोजमा प्रहरीसँग माईस्थान गीता मन्दिर रोडमा भएको झडपका गोली लागेर गम्भीर घाइते भएका कुर्मीको नारायणी उपक्षेत्रीय अस्पतालमा उपचारको क्रममा मृत्यु भएको थियो ।

-सुरेश बिडारी, वीरगञ्ज

प्रतिकृया दिनुहोस