सांसद शिवलाल थापा

राष्ट्रिय जनमुक्ति पार्टीका सांसदद्वय शिवलाल थापा र सिमाकुमारी बिकलाई सर्वोच्च अदालतले बोलाएको छ ।

प्रधान न्यायाधीश कल्याण श्रेष्ठको एकल इजलासले थापा र बिकको सांसद पद खारेजी सम्बन्धी विषयमा छलफल गर्न सात दिनभित्र उपस्थित हुन आदेश दिएको छ ।

अदालतको उत्प्रेषण आदेशमा भनिएको छ, “निवेदकले अन्तरिम आदेश समेतको माग गरेको देखिएकोले सो सम्बन्धमा छलफल गर्न ७ दिनको समय दिई विपक्षीहरूलाई झिकाई नियम बमोजिम गर्नु । ”

अदालतले १२ असोजका लागि पेशी तोकेको अधिवक्ता चन्द्रकान्त ज्ञवालीले हिमालखबरलाई जानकारी दिए ।

ज्ञवालीले सभासदद्वयले पार्टीबाट राजीनामा दिएर स्वीकृत भईसकेपछि नयाँ पार्टी खोलेकाले पद खारेज हुने देखिएको बताए । कानुनतः समानुपातिक सभासद पठाउने अधिकार सम्बन्धित पार्टीलाई हुने ज्ञवाली बताउँछन् ।

थापाले आफ्नो नेतृत्वमा राष्ट्रिय जनमुक्ति पार्टी (लोकतान्त्रिक) गठन गरेको घोषणा गरेका छन् ।

प्रतिकृया दिनुहोस