भारतले पूर्वी नेपालको काँकडभिट्टासँग सीमा जाेडिएकाे भारतीय नाका पानीटंकीमा  कडाई गरेको छ ।

सीमापारी पानीटंकीमा नेपाल छिर्ने मालबाहक ट्रकको लर्काे कम्तिमा ६ किलोमिटर लामो भइसकेको छ । यी ट्रकहरुलई पानीटंकी भन्सार नाकाले नेपाल पस्न नदिएको बताइएको छ ।

यो नाकाबाट दैनिक कम्तिमा १०० मालबाहक ट्रक नेपाल आउने गर्थे । ६ भदौसम्म स्वभाविक आवागमन भएको भारतीय भन्सार नाकाबाट ७ भदौ दिँउसो २ बजेसम्ममा ६ वटा मात्रै मालबाहक सवारी नेपाल पठाइएको छ ।

नेपाल छिर्नेमा ४ वटा नेपाली नम्बर प्लेटका र २ वटा भारतीय नम्बर प्लेटको रहेको इलाका प्रहरी कार्यालय काँकडभिट्टाका प्रहरी नायब उपरिक्षक श्याम अधिकारीले बताए । सीमास्थित अर्का एकजना अधिकारीले दिल्लीको निर्देशनमा भन्सारमा कडाई गरिएको बताए ।

-गोपाल गडतौला, झापा

प्रतिकृया दिनुहोस