सरकारसँग भएको ११ बुँदे सहमति पालना नभएको भन्दै आमरण अनशनरत त्रिविवि शिक्षण अस्पताल हाडजोर्नी विभागका प्रा डा गोविन्द केसीको स्वास्थ्य अवस्था गम्भीर बन्दै गएको छ ।

छैठौँ अनशनले बिग्रिएको स्वास्थ्य तङ्ग्रिन नपाउँदै २ असोज दिउँसोबाट सातौँ अनशन सुरु गरेका डा केसीको रक्तचाप र श्वासको गति उच्च हुँदै गएको उनको उपचारमा संलग्न प्रा डा दिव्यासिंह शाहले बताइन् ।

तीन वर्षको अवधिमा चिकित्सा शिक्षा सुधारका लागि ६४ दिन अनशन बसिसकेका प्रा डा केसीलाई नर्मल स्लाइन दिइरहेको र उनको पिसाबमा समस्या देखिएको डा शाहले जानकारी दिइन् ।

पछिल्लो पटक माथेमा आयोगको प्रतिवेदन कार्यान्वयनको माग गर्दै भदौमा प्रा डा केसी १४ दिन अनशन बसेका थिए । प्रा डा केसीले उठाएका माग र भावनालाई सरकारले राम्ररी बुझ्न नसकेको उनका सहयोगी डा. जीवन क्षेत्रीले बताए ।

प्रतिकृया दिनुहोस