तस्वीर: केशव राना/हिमालखबर

भारतसँग सीमा जोडिएको बाँकेको जमुनाहा नाकामा धर्ना र विरोध प्रदर्शन गरिरहेका मधेशी मोर्चाका कार्यकर्ता र प्रहरीबीच झडप हुँदा प्रदर्शनकारी र प्रहरी घाइते भएका छन् ।

मोर्चाका कार्यकर्ताहरुले सीमा नाका ठप्प पारी नेपाल भारत सीमाको प्रवेशद्वारमै धर्ना र प्रदर्शन गर्न थालेपछि प्रहरी र प्रदर्शनकारीबीच  झडप भएको थियो । झडपमा परी प्रदर्शनकारीतर्फ  करिब १० जना र प्रहरीतर्फ ४ जना घाइते भएका छन् ।

झडप हुँदै गर्दा भारततर्फ भागेका आन्दोलनकारीलाई भारतीय सीमा सुरक्षा बल एसएसबीले भारत रुपैडिहाभित्र प्रवेश गराई सुरक्षा दिएको छ ।

मधेशी मोर्चाले प्रदर्शन गरिरहेका बेला एसएसबीले नेपालतर्फ आई तस्वीर लिने गरेको र भाग्दै गरेका आन्दोलनकारीलाई भारतर्फ लगेर सुरक्षा दिने गरेको थियो ।

साँझ साढे ६ बजेपछि भने जमुनाहा सीमा नाका सामान्य बनेको भए  पनि भारतबाट कुनै मालबाहक सवारी साधन नेपाल प्रवेश गरेका छैनन् ।
केशव राना, बाँके

प्रतिकृया दिनुहोस