मधेशी मोर्चा र थरुहटको आमहडतालका कारण लामो समयदेखि बन्द रहेका नवलपरासीको सदरमुकाम परासी र दक्षिणी क्षेत्रका विद्यालयहरु आज, १० असोजदेखि सञ्चालनमा आएका छन् ।

मधेशी र थरुहट संयुक्त मोर्चा नवलपरासीले विद्यालय र बजार सुचारु गर्न दिने निर्णय गरे अनुसार आज देखि विद्यालय सञ्चालनमा आएका हुन् । यद्यपी विद्यालय सञ्चालन विहान ६ देखि १० बजेसम्म र बजार साँझ ५ देखि ८ बजेसम्म तीनघण्टामात्रै खोल्न पाइने मोर्चाले जनाएको छ ।

उद्योग वाणिज्य संघको पटक पटकको आग्रह र प्याब्सन सहित विभिन्न शैक्षिक संस्थाहरुको आग्रहमा विद्यालय र पसल व्यवसाय सञ्चालन गर्न मोर्चा सहमत भएको हो ।

विहान ६ बजे देखि १० बजे सम्म विद्यालय र साँझ ५ बजे देखि राति ८ बजे सम्म बजार पनि खुल्ला गरिएको मधेशी मोर्चाका संयोजक मुकुरजी गिरीले जानकारी दिए ।

नवलपरासीको राजमार्ग क्षेत्रका बजार र विद्यालयहरु भने यसअघि नै सञ्चालनमा आइसकेका छन् ।
विद्रोही गिरी, नवलपरासी

प्रतिकृया दिनुहोस