पश्चिम नेपालको प्रमुख नाका नेपालगञ्जको जमुनाहाबाट आज, १० असोजमा ११ वटा ट्रक नेपाल भित्रिएका छन् ।

६ वटा डिजेलका र अन्य ५ वटा तरकारी बोकेका मालवाहक साधन नेपाल भित्रिएको नेपालगञ्ज भन्सार प्रमुख राजेन्द्र हमालले जानकारी दिए ।

यी गाडीहरु तीनदिनदेखि रुपैडिहामा नेपाल भित्रन पालो कुरेका सयौं सवारीसाधनमध्येका हुन् ।

गाडीमा रहेको गोलभेंडा कुहिएको छ भने आलु कुहिन शुरु गरेको छ ।

जमुनाहा प्रहरीका अनुसार रातिसम्ममा भारतले थप केही गाडी छोड्ने संकेत देखिएपनि पेट्रोलियम पदार्थका गाडीहरु भने छोड्ने संकेत देखिएको छैन ।

सीमा क्षेत्रमा हिजो ९ असोजमा मधेशी मोर्चाले धर्ना र प्रदर्शन गरे पनि आज भने त्यस्तो केही छैन ।
केशव राना, बाँके

प्रतिकृया दिनुहोस