तस्वीर: श्याम गुप्ता

भारतीय हस्तक्षेपको विरोधमा बाराको सिमरामा हस्ताक्षर तथा सचेतना अभियान शुरु भएको छ ।

राष्ट्रियताको पक्षमा भावना जागृत गर्ने उद्देश्यले सिमराका सबै वर्ग र पेशामा सम्मिलित युवाहरुले सचेतना अभियान शुरु गरेका हुन् ।

भारतीय हस्तक्षेपको विरोधमा सिमरा चोकमा शुरु भएको हस्ताक्षर अभियानमा हजारौंले हस्ताक्षर गरिसकेका छन । राष्ट्रिय गीतसंगै बिहान ११ बजेदेखि शुरु भएको कार्यक्रममा बिभिन्न पेशाकर्मी, राजनीतीक नेता–कार्यकर्ता र सर्वसाधारणको व्यापक सहभागिता जनाएका छन् ।

अभियान अन्तर्गत ११ असोजदेखि सबै समुदायको सहभागितामा बृहत अन्तरक्रिया र र्‍याली कार्यक्रमको आयोजना गरिएको आयोजकले जनाएको छ ।

जिल्लाकै कलैया, जीतपुरलगायतका बजारमा आन्दोलन भैरहँदा सिमरामा भने संबिधानको स्वगत लगायत राष्ट्रियताको पक्षमा कार्यक्रम भैरहेको छ ।
श्यामगुप्ता, बारा

प्रतिकृया दिनुहोस