सिन्धुपाल्चोकका भूकम्प पीडित विद्यार्थीलाई गैरसरकारी संस्था स्कोप नेपालले विभिन्न शैक्षिक सामाग्री सहयोग गरेको छ ।

सिन्धुपाल्चोकको करथलीस्थित सुनकोशी उच्च मावि र गातीस्थित भद्रकाली प्राविका २०९ विद्यार्थीलाई पोशाक, झोला, कापीलगायत शैक्षिक सामाग्री सहयोग गरिएको संस्थाका अध्यक्ष अभयराज जोशीले बताए । संस्थाले यसका अतिरिक्त खेलकुद सामाग्री र प्राथामिक उपचारका सामाग्री पनि सहयोग गरेको छ ।

संस्थाका अध्यक्ष जोशीले भूकम्प पीडित विद्यार्थीहरुलाई विद्यालय जीवनमा सहजता ल्याउन सहयोग गरिएको बताए । सहयोग पाएपछि यी विद्यालयका विद्यार्थीहरु पनि खुशी देखिए ।

स्कोप नेपालले विभिन्न विद्यालयका ५ सय बढी भूकम्प प्रभावित विद्यार्थीहरुलाई यस्तो सहयोग गरिसकेको छ ।

प्रतिकृया दिनुहोस