नाकाबन्दीका कारण ५ दिनदेखि पेट्रोलियम पदार्थको आयात हुन नसकेपछि वीरगञ्जमा पेट्रोलियम पदार्थको कालोबजारी भैरहेको छ ।

नाकाबन्दीअघि प्रति लिटर १०३ रुपैयाँमा पाइने पेट्रोल अहिले पर्सा, बारा, रौतहटका विभिन्न बजारहरुमा पाईनै छोडेको छ भने भने पाईहाले पनि एकदमै महङ्गो मूल्य पर्ने उपभोक्ताहरुले बताएका छन् ।

पम्पमा पेट्रोल पाइन छाडेपछि खुद्रा व्यापारीहरुले बोतलमा भरेर पेट्रोल बिक्री गरिरहेका देखिन्छन् । यसरी बेचिने पेट्रोलको मूल्ये प्रतिलिटर रु २५० देखि ३०० सम्म पर्छ । यसरी बेचिने पेट्रोल अधिकांश सीमावर्ती भारतीय बजार रक्सौलबाट तक्सरी गरेर ल्याइएको हो ।

केहीले भने भारतीय बजार रक्सौल पुगेरै मोटरसाइकलमा तेल हाल्ने गरेका छन् ।

नाकामा धर्नामा बसेका मधेशी मोर्चाका कार्यकर्ताहरुले मोटरसाईकल आवतजावतमा रोक लगाएका छैनन् ।
सुरेश बिडारी, वीरगञ्ज

प्रतिकृया दिनुहोस