तस्वीर सौजन्य: नेपाली सेना

प्रधानसेनापति राजेन्द्र क्षत्रीले आज, १३ असोजमा जनकपुर र वीरगञ्जको भ्रमण गरेका छन् ।

प्रधानसेनापति क्षत्रीले धनुषास्थित गोरखनाथ गण र वीरगञ्जस्थित बरख गणको निरीक्षण भ्रमण गरेको सैनिक जनसम्पर्क निर्देशनालयले जनाएको छ ।

निरीक्षणको क्रममा प्रधान सेनापति क्षत्रीले फर्मेशन तथा युनिटहरुको बन्दोबस्ती, तालिम लगायत अन्य विविध पक्षबारे जानकारी लिई सकलदर्जालाइ सम्बोधन गरेका छन् ।

सम्बोधनको क्रममा उनले नेपाली सेना सदा झै एकढिक्का भई कर्तव्यपथमा अग्रसर हुन निर्देशन दिए । त्यस्तै मुलुक र जनताप्रतिको जिम्मेवारीलाई ध्यानमा राखी उच्च मनोबलका साथ मुलुकको हित रक्षार्थ काम गर्न प्रधानसेनापति क्षत्रीले निर्देशन समेत दिएको निर्देशनालयले जनाएको छ ।

भ्रमणका क्रममा उनले भूतपूर्व सैनिकहरुसँग समेत अन्तरक्रिया गरेका थिए ।

प्रतिकृया दिनुहोस