नेपाल मेडिकल काउन्सिलले यस वर्षका लागि चारवटा मेडिकल कलेजमा विभिन्न तहका लागि विद्यार्थी संख्या निर्धारण गरेको छ ।

काउन्सिलका प्रवक्ता डा. कृष्ण अधिकारीका अनुसार काठमाडौं विश्वविद्यालय स्कुल अफ मेडिसिनले एमबीबीएसमा ६०, बिडिएसमा २५, पीजीमा १० जना विद्यार्थी पढाउन पाउने भएको छ ।

त्यस्तै पाटन स्वास्थ्य विज्ञान प्रतिष्ठानले एमबीबीएसमा ५५ जना, बीपी कोइराला स्वास्थ्य विज्ञान प्रतिष्ठानले एमबीबीएसमा १३५, बीडीएसमा ६०, पीजीमा ५७, एमडीएसमा १० जना विद्यार्थी पढाउन पाउने छ भने चिकित्सा विज्ञान राष्ट्रिय प्रतिष्ठान(न्याम्स)ले पिजीमा ४४ र एमडीएसमा २ जना विद्यार्थी अध्ययन गराउन पाउने भएको छ ।

मेडिकल काउन्सिलले प्रत्येक वर्ष मेडिकल कलेजको अनुगमनपछि तयार पार्ने निरीक्षण प्रतिवेदनका आधारमा सिट संख्या निर्धारण गर्दै आएको छ ।

त्रिवि शिक्षण अस्पताल महाराजगञ्ज र अन्य निजी मेडिकल कलेजहरुको सीट संख्या निर्धारण गर्न बाँकी नै रहेको डा अधिकारीले बताए ।

प्रतिकृया दिनुहोस