मधेशी मोर्चाले तराईका विभिन्न जिल्लामा मानव साङलो बनाएको छ ।

जारी आन्दोलनप्रति सबैको ध्यानाकर्षण गर्न भन्दै १४ असोजमा कञ्चनपुरदेखि झापासम्मको हुलाकी राजमार्गमा विश्वकै सबैभन्दा लामो १ हजार १५५ किमीको मानव साङ्लो बनाउनले मोर्चाको निर्णय अनुसार विभिन्न जिल्लामा मानव साङलो बनाइएको हो ।

१४ असोज दिउँसो १ बजेदेखि २ बजेसम्म मानिसहरु ‘मधेशी एकता जिन्दावाद,’ ‘मधेशको माग पूरा गर’ लगायत नारा लगाउँदै हुलाकी राजगमार्गमा पर्ने क्षेत्रमा लाईन लागेर उभिएका थिए ।

मधेशी मोर्चा र थरुहट/थारुवान संयुक्त मोर्चाले संयुक्त रुपमा तराईका विभिन्न जिल्लामा मानव साङ्लो बनाएका हुन् ।

मोर्चाले स्थानीय एफएम रेडियोहरु मार्फत विज्ञापन गरेरआफ्नो पायक पर्ने स्थानमा उपस्थित भई मानव साङलोमा सहभागी हुन सर्वसाधरणमा आग्रह गरेको थियो ।
तस्वीरहरु: सुरेश बिडारी, पर्साबाट 

प्रतिकृया दिनुहोस