अमेरिकाको न्यूयोर्कमा संयुक्त राष्ट्रसंघको ७० औं महासभा चलिरहँदा झापा शिबिरका भुटानीहरुले भुटान फिर्तीको माग राख्दै शान्त प्रदर्शन गरेका छन् ।

महासभामा शरणार्थीलाई स्वदेश फिर्ता गराउनका लागि भुटानलाई दबाबदिन राष्ट्रसंघलाई आग्रह गर्दै प्रदर्शनमा उत्रिएका भुटानी शरणार्थीले स्वदेश फिर्तीलाई नै शरणार्थी समस्याको दिगो समाधान भनेका छन् ।

“म जन्मेको धर्ती त्यहीं हो ” भुटान स्वतन्त्र जनमञ्चको आव्हानमा प्रदर्शनमा निस्किएका डमलाप्रसाद अधिकारीले भने, “मेरो भुटानमा भएको घरखेत आजको दिनमा दश करोडमाथि मोलिन्छ रे ।”

उनको जन्मघर दक्षिण भुटानको सर्भााङ जिल्लाको गेलेफु लोद्राई गाँउमा अँझै छ । आफन्तहरु लोद्राईमै छन ।

दुईदिने शान्तिपूर्ण प्रदर्शनको नेतृत्व गरिरहेका मञ्चका उपाध्यक्ष हर्कजङ सुब्बाले भने, “राष्ट्रंघले सदस्य राष्ट्रभित्र भएका मानव अधिकार विरोधी र राज्य दमनका घटनाको पनि खबरदारी गर्नुपर्दछ ।”

शरणार्थीको शान्तिपूर्ण प्रदर्शनमा नेपाल मानव अधिकार संगठनका पूर्र्वाञ्चल संयोजक डाक्टर केपी सुवेदीसहित प्रमुख राजनीतिक दलका स्थानीय नेताहरुले समेत ऐक्यबद्धता जनाएका छन् ।
गोपाल गडतौला, झापा

प्रतिकृया दिनुहोस