तीन प्रमुख दल र संयुक्त लोकतान्त्रिक मधेशी मोर्चाको वार्ता टोलीबीच भएको छलफल बिना निष्कर्ष सकिएको छ ।

तमलोपाको कार्यालयमा भएको छलफल सकारात्मक भएपनि निष्कर्षमा नपुगेको नेपाली कांग्रेसका नेता महेश आचार्यले बताए । उनले भोलि फेरि बस्नेगरी बैठक सकिएको बताए ।

तमलोपाका नेता सर्वेन्द्रनाथ शुक्लले भने सरकार पक्षका वार्ता टोली प्रष्ट नभई आएकाले बैठक निष्कर्षमा पुग्न नसकेको बताए । उनले भने, “राजनीतिक मुद्दामा तीन दलको वार्ता टोली प्रष्ट नदेखिएकाले भोलि बस्नेगरी वार्ता सकिएको छ ।”

तीन दलका वार्ता टोलीका सदस्यहरुले भारतीय सीमा नाका खुलाउन आग्रह गरेका थिए । तर, मोर्चाको प्रतिनीधित्व गर्दै वार्तामा बसेका तमलोपाका अध्यक्ष महन्थ ठाकुरले कुरा नमिली सीमाको अवरोध नहट्ने बताए । उनले काठमाडौंमा कुरा मिल्नासाथ सीमाको अवरोध हट्ने बताए ।

नेपाली कांग्रेस, नेकपा एमाले र एमाओवादीका तर्फबाट गठीत वार्ता टोलीका सदस्यहरु प्रधानमन्त्री निवास बालुवाटारको तीन दलीय बैठक सकेर तमलोपाका कार्यालय विजुलीबजार पुगेका थिए । कांग्रेसबाट महेश आचार्य, एमालेबाट अग्नी खरेल र एमाओवादीबाट नारायणकाजी श्रेष्ठ वार्ता टोलीमा छन् ।

-कपिल भट्ट, काठमाडाै‌

प्रतिकृया दिनुहोस