संघीय लिम्बुवान पार्टी नेपालका अध्यक्ष कुमार लिङदेनले झापा, मोरङ र सुनसरीलाई लिम्बुवानबाट अलग गरियो भने अर्काे बिध्वंस हुने चेतावनी दिएका छन् ।

१६ असोजमा पश्चिम झापाको दमकमा लिम्बुवान पक्षधरहरुको खबरदारी सभाका मुख्यवक्ता लिङदेनले सरकारले मधेश सँगसँगै लिम्बुवानको मुद्दालाई पनि सम्बोधन गर्नुपर्ने बताए ।

उनले लिम्बुवान जातीय आन्दोलन नभई ऐतिहासिक भौगोलिक पहिचानको बिषय भएको बताए ।

कार्यक्रमका अर्का वक्ता संघीय समाजवादी फोरमका उपाध्यक्ष रकम चेम्जोङले मुलुकलाई तीन ठूला दलको हठले गम्भीर समस्यामा पु¥याएको भन्दै थपे, “जातजातिलाई अधिकार दिँदा कसैको केही नोक्सान हुँदैन ।”

४ असोजमा संविधानको स्वागतमा आयोजित कार्यक्रम विथोल्ने प्रयास गरेका लिम्बुवान सम्बद्ध कार्यकर्ताहरुलाई दमकको गणतन्त्र चोकबाट तीन दलका कार्यकर्ताले लखेटेको १२ दिनपछि शक्ति प्रदर्शनको रुपमा सो सभा आयोजना गरिएको थियो ।

दमकको गणतन्त्र चोकमा सभाको आयोजना गरिंदा केही बेरा यसक्षेत्रको यातायात समेत प्रभावित भएको थियो ।
गोपाल गडतौला, झापा

प्रतिकृया दिनुहोस