एघारौं दिनपछि नाकाबन्दी खोल्न भारत राजी भएको खबर सञ्चारमाध्यममा आए पनि १६ असोजमा पूर्वको काकडभिट्टा नाकाबाट अरु दिन जस्तै नगन्य मात्रामा मालवाहक गाडी भित्रिएका छन् ।

१६ असोज साँझसम्ममा १८ वटा खाली, चारवटा आलुका र दुईवटा क्लिंकरका गरी जम्मा २४ वटा ट्रक नेपालतर्फ आएको इलाका प्रहरी कार्यालय काँकडभिट्टाका प्रहरी नायब उपरीक्षक श्याम अधिकारीले जानकारी दिए ।

६ असोज अपराह्न ३ बजेदेखि भारतीय सिमा सुरक्षा बलले नेपाल आउने मालबाहक गाडी रोकेको ११ औ दिनसम्ममा करिब १५० मात्र गाडी पूर्वी नाकाबाट भित्रिएका छन् जसमध्ये पट्रोलियम पदार्थ बोकेका १३ वटा मात्र । ग्यासका बुलेट त एउटा पनि भित्रिएका छैनन् ।

भारतले नेपालको सीमा क्षेत्रमा भइरहेको आन्दोलनका कारण गाडीहरु नेपाल जान नसकेको बहान बनाइरहेका बेला काकडभिट्टा नाकामा यो अवधिमा कुनै आन्दोलन, धर्ना वा प्रदर्शन भएको छैन ।

भारतले यो अवधिमा प्राय कुहिने सागसव्जी, माछा र फलफूल मात्रै नेपाल आउन दिएको छ ।

गोपाल गडतौला, झापा

प्रतिकृया दिनुहोस