संयुक्त लोकतान्त्रिक मधेशी मोर्चाको बैठक संघीय समाजवादी फोरम नेपालको केन्द्रिय कार्यालय तिनकुनेमा शुरु भएको छ ।

सरकारी वार्ता टोली र तीन प्रमुख दलका शीर्ष नेताहरुसँग अनौपचारिक छलफलपछि जारी आन्दोलनबारे धारणा तय गर्न मोर्चाको बैठक शुरु भएको फोरम नेपालका केन्द्रिय सदस्य अर्जुन थापाले बताए । उनका अनुसार तराई–मधेश लोकतान्त्रिक पार्टीका अध्यक्ष महन्थ ठाकुरले अनौपचारिक छलफलमा भएको कुराकानी बैठकमा प्रस्तुत गर्नेछन् ।

३० साउनदेखि अनिश्चितकालीन तराई–मधेश हड्तालमा रहेको मोर्चाले सरकारसँग वार्ताका लागि आजको बैठकले आधिकारिक धारणा तय गर्ने भएको छ । यसबारे ठाकुरले विभिन्न चरणमा सरकारसँग अनौपचारिक कुराकानी गरिसकेका छन् ।

बैठकमा मोर्चामा आवद्ध चार दलका नेताहरु सम्मिलित छन् ।

-कपिल भट्ट, काठमाडौं

प्रतिकृया दिनुहोस