नेपालगञ्ज–रुपैडिहा नाकाबाट आज मध्यान्हसम्म मालबाहक गाडी नेपाल भित्रिएको छैन ।

पेट्रोलियम पदार्थ रोकेर भारतले आलुको ट्रक मात्रै पठाउन थालेपछि नेपाली भन्सारले उक्त ट्रक पनि रोकिदिएको छ ।

आलु बोकेका ट्रकहरु नेपाली भन्सारले भन्सार नगरिदिएपछि सीमापारी नै रोकिएका छन् । जमुनाहा प्रहरी चौकीमा कार्यरत एक प्रहरीले भने, “पेट्रोलियम पदार्थ नपठाएपछि आलु नेपाली भन्सारले रोकेको छ ।”

यता, भन्सार प्रमुख राजेन्द्र हमालले कुनै पनि मालबहाक गाडी नभित्रिएको बताए । “पेट्रोलियम पदार्थ पठाएको छैन, आलु मात्रै पठाएको छ”, उनले भने, “अहिलेसम्म केही पनि भित्रिएको छैन ।” आज संयुक्त लोकतान्त्रिक मधेशी मोर्चाका कार्यकर्ताहरु पनि सीमानाकामा देखिएका छैनन् ।

-केशव राना, बाँके

प्रतिकृया दिनुहोस