खेलकुदसोमबार, आश्विन १८, २०७२

एभरेष्ट म्यारथनको उपाधि भीम गुरुङलाई

हिमालखबर

unnamedतेन्जिङ–हिलारी एभरेष्ट म्याराथन दौडको १२ औं संस्करणमा पुरुषतर्फको उपाधी नेपाल आर्मीका भीम गुरुङले हात पारेका छन् ।

गुरुङले निर्धारित ४२ किलोमिटरको निर्धारित दुरी ४ घण्टा १ मिनेट ५४ सेकेण्डमा पुरा गरी उपाधी जितेका हुन् । प्रथम भएपनि उनले आफ्नै रेकर्ड भने तोड्न सकेनन् ।

११ औं संस्करणमा गुरुङ द्धितीय हुँदा निर्धारित ४२ किमी दुरी ३ घण्टा ५३ मिनेट ५८ सेकेण्डमा पुरा गरेका थिए ।

त्यस्तै, नेपाली सेनाकै सुरेन्द्र बस्नेतले निर्धारित ४२ किलोकिटर दूरी ४ घण्टा ३ मिनेट १८ सेकेण्डमा पुरा गर्दै द्धितीय भएका छन् भने सोलुखुम्बुका पासाङ लामाले ४ घण्टा ११ मिनेट २८ सेकेण्डमा दूरी पुरा गरी तेस्रो भएका छन् । पुरुषतर्फ विदेशी २७ र २६ नेपाली प्रतिश्पर्धी थिए ।

सगरमाथाको आधारशिविरबाट शुरु भएको म्यारथन गोरक्सेप, लोवुचे, फेरिचे, दिङवोचे, तेङवोचे हुदै नाम्चे बजारमा आएर सकिएको हो ।

महिलातर्फ सोलुखुम्बु थामेकी आङदामी शेर्पाले ४२ किलो मिटरको दुरी ६ घण्टा ५ मिनेट ४३ सेकेन्ड पार गर्दै पहिलो स्थान ओगट्न सफल भइन् । त्यस्तै ४२ किलो मिटर दुरीमा ६ घण्टा १७ मिनेट ६ सेकेन्ड समय पार गर्दै सोलुखुम्बुकै दावाडोमा शेर्पा दोस्रो र ४२ किलो मिटर दुरी ६ घण्टा ४१ सेकेन्डमा पार गर्दै सोलुखुम्बुकै निरकला राई तेस्रो भइन् ।

महिलातर्फ ८ विदेशी र ६ नेपालीसहित १४ जनाले सहभागिता जनाएका थिए ।

-बुद्धबीर बाहिङ, साेलुखम्बु

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...