मधेशी मोर्चाका कार्यकर्ताहरुले १८ असोज राति दुईवटा ट्रकमा आगजनी गरेका छन् ।

वीरगन्ज–२५ जगरनाथपुरमा राखिएको ना २ ख ४५५२ र ना २ ख ५९७५ नम्बरको खाली ट्रक मध्यरातमा मोर्चाका कार्यकर्ताहरुले आगजनी गरेको जिल्ला प्रहरी कार्यालय पर्साले जनाएको छ ।

बन्दको अवज्ञा गरेर गाडी चलाएको भन्दै २०/५० जनाको समूहमा रहेको मोर्चाका कार्यकर्ताहरुले ट्रकमा आगजनी गरेका हुन् ।

त्यस्तै मोर्चाका कार्यकर्ताहरुले बाराको बसन्तपुरमा ३६ लिटर डिजल र १८ लिटर पेट्रोल जलाएर नष्ट गरिदिएका छन् ।

भारतबाट बिक्रीको लागि ल्याईरहेको ३६ लिटर डिजल र १८ लिटर पेट्रोल रामजानकी मन्दिर नजिक कब्जामा लिएर उनीहरुले जलाएका हुन् ।

तीनजनाले ड्रममालिएर आएको डिजल र पेट्रोल मोर्चाका कार्यकर्ताहरुले खोसेर जलाएको स्थानीय विनोद साहले जानकारी दिए ।
सुरेश बिडारी, वीरगञ्ज

प्रतिकृया दिनुहोस