गए राति भारतको पानीटंकी नाकाबाट इन्धन बोकेका ३४ ट्यांकर नेपाल भित्रिएका छन् ।

पूर्वी नाका काकडभिट्टा हुँदै भित्रिएका तीमध्ये २२ वटा पेट्रोलका, ११ वटा डिजेलका र एउटा मट्टितेलको ट्यांकर रहेको मेची भन्सार कार्यालय कााँकडभिट्टाले जनाएको छ ।

१९ असोज राति १० बजेतिर ट्यांकरहरु भित्रिएको मेची भन्सारका एकजना अधिकृत दिपेन्द्र झाले बताए ।

प्रमुख जिल्ला अधिकारी तेजप्रसाद पौडेलले २२ ट्यांकर इन्धन अमलेखगञ्ज डिपोमा पठाइएको र बाँकी इन्धन आवश्यकताअनुसार वितरण गरिने बताएका छन् ।

उनले अत्यावश्यक सरकारी सेवाका, एम्बुलेन्स, विद्यार्थी बोक्ने, बारुणयन्त्र र लामो दूरीका सवारी साधनलाई प्राथमिकता अनुसार इन्धन वितरण गरिने जानकारी दिए ।

यसअघि १८ असोज राति पनि झापामा ६ ट्यांकर इन्धन भित्रिएको थियो ।
गोपाल गडतौला, झापा

प्रतिकृया दिनुहोस