बाराको जीतपुरमा संयुक्त लोकतान्त्रिक मधेशी मोर्चाका कार्यकर्ता र प्रहरीबीच झडप भएको छ ।

मोर्चाका कार्यकर्ताले डिजेल बोकेर मोटरसाइकलमा जाँदै गरेका व्यक्तिबाट डिजेल खोसी नष्ट गर्न थालेपछि हस्तक्षेप गर्न पुगेको प्रहरी र मोर्चाका कार्यकर्ताबीच झडप भएको हो ।

त्यही निहुँमा भएको झडप बढदै जाँदा भिडलाई नियन्त्रणमा लिन प्रहरीले लाठी चार्ज गर्नुका साथै ८ सेल अश्रुग्यास प्रहार गरेको छ ।

प्रदर्शनकारीको ढुंगा प्रहारबाट प्रहरी जवान लुम्डि धिताल घाईते भएको ईलाका प्रहरी कार्यालय सिमराका प्रहरी निरीक्षक पुरुषोत्तम खड्काले बताए ।

प्रहरीको लाठी चार्जबाट आन्दोलनकारी तर्फ कम्तीमा ७ जना घाइते भएको तमलोपाका नेता रमेश सर्राफले बताए ।
अहिले स्थिति सामान्य भैसकेको छ भने आन्दोलनकारीहरुले कब्जा गरेको डिजल पनि प्रहरीले फिर्ता लिइसकेको छ ।
सुरेश बिडारी, वीरगञ्ज

प्रतिकृया दिनुहोस