नयाँ प्रधानमन्त्रीमा उमेद्वारी घोषणा गरिसकेका नेकपा एमालेका अध्यक्ष केपी शर्मा ओलीले संसदको चौथो ठूलो दल राप्रपा नेपालका अध्यक्ष कमल थापालाई भेट्ने भएका छन् ।

राप्रपा नेपालको केन्द्रिय कार्यालयमा दिउँसो ४ बजे थापालाई भेट्न ओली जाँने कार्यक्रम रहेको ओलीका स्वकीय सचिव रमेश आचार्यले बताए । उनका अनुसार सरकार निर्माणबारे छलफल गर्न ओली थापा भेट्न जान लागेका हुन् ।

राप्रपा नेपालले आगामी सरकारमा जाने संकेत देखाएपछि भेटघाट हुन लागेको हो । प्रमुख प्रतिपक्ष नहुने अवस्थामा राप्रपा नेपाल सरकारमा जाने संभावना रहेको उक्त पार्टीका नेताहरुले बताउँदै आएका छन् ।

प्रतिकृया दिनुहोस