थप समाचारबिहीबार, आश्विन २१, २०७२

कुवेतमा नेपाली महिलाको मृत्यु

हिमालखबर

फाइल तस्वीर: कल्पना राया

 कल्पना राया

दशैंमा आमाको हातको टीका लगाउने आशमा रहेका कल्पनाका छोराछोरी कुवेतमा आमाको मृत्यु भएको खबरले शोकविह्वल छन् ।

डेढबर्ष अघि घरेलु कामदारको रुपमा काम गर्न कुवेत गएकी झापा, दमक– ९ की कल्पना रायाको शव कोठामा झुण्डिएको अवस्थामा फेला परेको कुवेतबाट खबर आएको छ ।

“आँउदो शनिबार सम्ममा घर आइपुग्छु भन्नुभएको थियो ” कल्पनाकी छोरी शर्मिलाले भनिन्, “दुई वर्षअघि बुवा बितेपछि दशैंमा आमाको हातको टिको लगाइको थिएन, यसपालि घरमा दशैं मनाउने बिचारमा थियौं ।”

आमाको बाटो कुरेका शर्मिला (२४), निकेश (२१), रजनी (१९) र निशा(१७) ले आमाको मृत्युको खबर सुन्नुपर्‍यो । उनीहरुलाई २१ असोज साँझ कुवेतबाट एक अपरिचित महिलाले उनिहरुकी आमा कल्पना राया (४१) को मृत्यु भएको खबर सुनाएकी हुन् ।

कल्पनाले अन्तिम पटक गत शनिबार आफूलाई साउदीबाट कुवेत फर्काइएको, बिरामी र करिब करिब बन्धक अवस्थामा रहेको छोरीहरुलाई फोनमा बताएकी थिइन ।

डेढबर्ष अघि घरेलु कामदारको रुपमा कामगर्न कुवेत गएकी कल्पनालाई उनी काम गर्ने घर मालिकले साउदीस्थित आफन्तकहाँ पठाएका थिए ।

गत शनिबार नै साउदीबाट कुवेत फर्काइएकी कल्पनको शव कुवेती मालिकको घरको कोठाभित्र २० असोज दिँउसो सलको पासोमा झुण्डिएको अवस्थामा फेलापरेको थियो । उनको शव २३ असोजसम्म काठमाडांै बिमानस्थलमा आउने गरी प्रक्रिया पूरा भएको भएको कल्पनाका देवर डिल्ली रायाले जानकारी दिए ।

२०५९ सालदेखि पटक पटक गरेर दशबर्ष भन्दा बढी समय रोजगारीको लागि पश्चिम एशियाका बिभिन्न मुलुक बसिसकेकी कल्पनाले दमक– ९ मा ६ बर्षअघि साढेतीन लाखमा एउटा घडेरी किनेकी थिइन् । राया परिवार दमक– ९ को खरखरे खोला किनारको सुकुम्बासी वस्तीमा झुप्रो हालेर बसेको छ ।

कल्पना विदेशमै रहेका बेला उनका पति भोजराज रायाले २२ असोज २०७० मा आत्महत्या गरेका थिए ।
गोपाल गडतोैला, झापा

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...