नवनिर्वाचित प्रधानमन्त्री केपी ओलीले नेपाली कांग्रेस लगायत सबै दल र पक्षको सहकार्यमा अघि बढ्ने बताएका छन् ।

प्रधानमन्त्रीमा निर्वाचित भइसकेपछि संसदभवन बाहिर सञ्चारकर्मीलाई प्रतिक्रिया दिंदै उनले प्रधानमन्त्री पदमा निर्वाचित भएपछि जिम्मेवारी र चुनौति दुवै बढेको बताए ।

उनले भने, “यो जिम्मेवारीलाई जिम्मेवारी र चुनौतिको रुपमा लिएको छु । संविधान कार्यान्वयन, भूकम्पले गरेको क्षतिको पुनर्निर्माण, देशका विभिन्न ठाउँमा भएका समस्याको समाधान, भारतले गरेको नाकाबन्दीपछि उत्पन्न कठिनाईलाई समाधान गर्ने र देश विकासलाई तिव्रताका साथ अघि बढाउनका लागि सबैसँग मिलेर सबैको साथ समर्थन जुटाएर अघि बढ्ने छु ।”

उनले आफूलाई समर्थन गर्ने सबै सांसदहरुलाई धन्यवाद दिए भने नेपाली कांग्रेससँग पनि सहकार्य गर्ने बताएका थिए ।

प्रतिकृया दिनुहोस