वीराटनगर–जोगवनी सीमाक्षेत्रमा रहेर प्रहरीमाथि प्रहार गरिरहेका आन्दोलनकारीलाई लखेट्दै गरेका नेपाल प्रहरीका असई प्रदीप गिरीमाथि भारतीय सुरक्षा निकाय एसएसबीले आक्रमण गरी घाइते बनाएको छ ।

मोरङका प्रहरी उपरीक्षक प्रमोद खरेलका अनुसार सीमाक्षेत्रमा बसेर नेपाल प्रहरीमाथि ढुंगा र गुलेली प्रहार गरिरहेका आन्दोलनकारी लखेट्दै गरेका असई गिरीलाई एसएसबीले सीमा क्षेत्रबाट तानेर भारतीय भूमिमा लगी कुटपिट गरेको हो ।

असई गिरीका साथमा रहेको पेस्तोल समेत एसएसबीले खोसेको छ भने एसएसबीको आक्रमणबाट गिरीको टाउको फुटेको छ ।

आन्दोलनकारीले सीमामा बसेर हानेको गुलेलीले सीमा प्रहरी चौकीका झ्यालका सिसा समेत फुटेका छन् ।

त्यस्तै आन्दोलनकारीको गुलेली प्रहारबाट सशस्त्र प्रहरी जवान देवन्द्र यादवको आँखाको छेउमा गम्भीर चोट लागेको छ भने वोत्तल प्रहारबाट जवान रोशन राजवंशीको खुट्टा काटिएको छ । आन्दोलनकारीको आक्रमणबाट अर्का सशस्त्र जवान खेम भूजेलको हातमा चोट लागेको सशस्त्र प्रहरी उपरीक्षक आनन्द नेम्वाङ्ले जानकारी दिए ।

एसएसबीले नेपाल प्रहरीमाथि आक्रमण गरेको घटनापछि अहिले मोरङ जिल्ला सुरक्षा समितिको बैठक बसिरहेको छ ।

कमल रिमाल, बिराटनगर

प्रतिकृया दिनुहोस