नेपाल भारत सीमा क्षेत्रको गेट । तस्वीर: केशव राना/हिमालखबर

नेपालगञ्ज–रुपैडिहा नाकाबाट आज, २६ असोज साँझसम्ममा ६३ वटा मालवाहक गाडी भित्रिएका छन् ।

भित्रिएका गाडीहरुमा १३ ट्यांकर डिजेल र १ बुलेट ग्यास र बाँकी क्लिंकर, चामल, फलफूल, आलु र प्याज लगायतका रहेको जमुनाहा प्रहरी चौकीले जनाएको छ ।

प्रहरीका अनुसार अहिले सीमामा कुनै अवरोध छैन ।

पेट्रोल अभाव कायमै
बाँकेसहित मध्यपश्चिमका जिल्लाहरुमा अझै केही दिन पेट्रोलको अभाव कायमै रहने भएको छ ।

नेपालबाट जाने ट्यांकरहरुले पेट्रोल भर्ने भारतको गोण्डा डिपोमा नै पेट्रोल अभाव भएपछि तत्काल अभाव नटर्ने भएको हो ।

मध्यपश्चिमका सबै जिल्लामा अहिले पेट्रोलको चरम अभाव छ ।

१८ दिनपछि नेपालगञ्ज रुपैडिहा नाका पूर्णरुपमा खुलेपछि डिजेलको अभाव भने टर्दै गएको छ ।

लाइनमा रहेका डिजेलका ट्यांकरहरु भित्रिरहेकोले आपूर्ति सहज हुँदै गएको हो ।
केशव राना, बाँके

प्रतिकृया दिनुहोस