भारतको पानीटंकी सीमा नाकाबाट पेट्रोलियम पदार्थ बाहेकका वस्तुको आपूर्ति सामान्य बन्दै गएको मेची भन्सार कार्यालय काँकडभिट्टाले जनाएको छ ।

मेची भन्सार कार्यालय काँकडभिट्टाका प्रमुख भन्सार अधिकृत भीम अधिकारीका अनुसार पेट्रोलियम बाहेकका वस्तुको आपूर्ति मात्रै सामान्य भएको हो ।

२७ असोजमा अपराह्न २ बजेसम्म १३३ वटा मालबाहक ट्रक नेपाल भित्रिएकोमा ग्यासको बुलेट एउटा र हवाई इन्धनको टयांकर एउटामात्रै छन् ।
बाँकी तरकारी, फलफुल, लत्ताकपडा र अन्य सामग्रीबाट २ करोड २२ लाख राजश्व उठेको छ ।

सामान्य अवस्थामा सरदर दैनिक डेढ करोढ राजश्व उठने मेची भन्सार काँकडभिट्टाले पछिल्लो एकसातामा १६ करोड २६लाख राजश्व उठाएको अधिकारीले बताएका छन् । कैयौं दिनसम्म नेपाल आउन पालो कुरेका गाडीहरु धेरै भित्रिंदा राजश्वा उठती बढेको देखिएको हो ।

मेचीमा सरदर दैनिक ५० हजार लिटर पेट्रोल र डेढलाख लिटर डिजेल खपत हुने गरेकोमा ६ असोजदेखि भारतले नाकाबन्दी गर्दा मेचीका सडकमा सवारीसाधन पातलिएका छन् ।

तर, सीमावर्ती क्षेत्रमा भने पारिबाट मोटरसाईकलमा पेट्रोल ल्याई खुद्रे तस्करहरुले डेढदेखि दुईसय रुपँैया लिटरको भाउमा बिक्री गरिरहेका छन् ।
गोपाल गडतौला, झापा

प्रतिकृया दिनुहोस