बाराको सदरमुकाम कलैया र पर्साको वीरगञ्जमा मधेशी मोर्चाले घरेलु हतियार सहित प्रदर्शन गरेको छ ।

मधेशी मोर्चाले २६ असोजमा आन्दोलन जारी राख्ने निर्णय गरेसँगै बारा र पर्साका विभिन्न ठाउँमा तरवार, खुकुरी, फर्सा, भाला लगायतका घरेलु हतियार लिएर प्रदर्शनकारी सडकमा उत्रेका हुन् ।

२७ असोजमा बाराको बेलहिया, प्रस्टोका, इनर्वासिरा लगायतका गाउँबाट प्रदर्शनकारीहरु कलैयामा जम्मा भई वीरगञ्जतर्फ गएका थिए ।

प्रदर्शनकारीहरु वीरगञ्ज र भारतीय बजार रक्सौल बीचको दशगाजामा समेत पुगेर प्रदर्शन गरेका थिए ।

बिरगञ्ज–रक्सौल सीमा नाकासँगै बाराको सिम्रौनगढ, मटिअर्वा, कचोर्वा, कवहीगोठ र पिपरपाती पचरौता सहितका पाँच छोटी भन्सार कार्यालय पनि करिब दुई महिनादेखि ठप्पे छन् ।

श्याम गुप्ता, बारा

प्रतिकृया दिनुहोस