२७ असोजमा बारामा मधेशी मोर्चाले सडकमा बालेको टायर । तस्वीर: श्याम गुप्ता

मोर्चाको दुई महिनादेखि जारी आमहडताल र भारतको नाकाबन्दीका कारण बारा–पर्साका झण्डै दुई हजार भन्दा बढी उद्योगहरु ठप्प छन् ।

हडतालको कारण उद्योगलाई आवश्यक कच्चा पदार्थ ल्याउन नसकिएको र उत्पादित वस्तु पनि बजारसम्म पुर्‍याउन नसकेको उद्योगीहरु बताउँछन् ।
नेपालमा आमहडतालसँगै भारतले समेत नाकावन्दी गरेपछि यसक्षेत्रका उद्योगहरु पूर्णरुपमा बन्द हुन पुगेका हुन् ।

आन्दोलनका बेला सुरक्षा निकायको स्कर्टिङमा आयात–निर्यात सुचारु राखिएको भए पनि भारतको नाकाबन्दीले उद्योगका लागि आवश्यक कच्चा पदार्थ २१ दिनदेखि सीमा पारी नै रोकिंदा उद्योग बन्द गर्नु परेको यहाँका उद्योगीहरुको भनाई छ । त्यसैगरी डिजेल पेट्रोलको आपूर्ति नहुँदा पनि मेशिन चलाउन सकिएको छैन ।

“नाकाबन्दी अघि सुरक्षा निकायको स्कर्टिङमा इन्धन र कच्चपदार्थको आपूर्ति भइरहेको थियो तर, भारतले नाकाबन्दी गरेपछि सबै कुरा सक्कियो, उद्योग वन्द गर्नुको विकल्प भएन,” नेपाल ग्रामो उद्योग प्रा.लि.प्रसौनी बाराका प्रबन्धक प्रकाश सिंहले भने ।

देशकै सबैभन्दा ठूलो औद्योगिक क्षेत्रमा अहिले नै उद्योगहरु पुनः सुचारु गर्न धौ धौ हुने अवस्थामा पुगेका भन्दै उनले नाकाबन्दी अझै नखुले यहाँका सवै उद्योगहरु धराशायी हुने बताए ।

बिरगञ्ज पथलैया औद्योगिक कोरिडोर र कलैया वीरगञ्ज सडक खण्ड अन्तर्गत दुई हजारभन्दा भन्दा बढी उद्योगहरु छन् ।
श्याम गुप्ता बारा

प्रतिकृया दिनुहोस