पूर्वराजा ज्ञानेन्द्र शाहले यसवर्षको दशैं नमनाउने भएका छन् ।

भूकम्पको क्षति र त्यसपछि इन्धन अभावले नेपालीहरुले असहज परिस्थितिको सामना गर्नु परेको भन्दै शाहले यसवर्षको दशैं नमनाउने भएका हुन् ।

भूकम्पले विपत्ति निम्त्याएको बेला भन्दै यसअघि ३० असारमा पनि उनले आफ्नो जन्मदिन मनाएका थिएनन् ।

शाहका स्वकीय सचिव सागर तिमिल्सनाका अनुसार भूकम्पका कारण धेरै जनता दशैं मनाउने अवस्थामा नरहेको र अहिले इन्धन र दैनिक उपभोग्य वस्तुको समेत अभावले जनता पिल्सिरहेका बेला पूर्वराजा शाहले दशैं नमनाउने निधो गरेका हुन् ।

पूर्व राजाले दशैं नमनाउने निधो गरेसँगै विजय दशमीका दिन टीकाको कार्यक्रम समेत नरहेको तिमिल्सनाले जानकारी दिए ।

प्रतिकृया दिनुहोस